Redona Dedja është themeluesja e Albanian Yacht Crew dhe një profesioniste me mbi 9 vite përvojë në industrinë e jahteve. Ajo që nisi si një punë sezonale u kthye në një pasion dhe karrierë afatgjatë. Pas përfundimit të studimeve në Logopedi, Redona vendosi të ndjekë rrugën e saj si stewardess në jahte luksoze.
Gjatë karrierës, ajo ka punuar nga pozicioni i Junior Stewardess deri në atë të Chief Stewardess, në jahte nga 40 deri në 70 metra, duke udhëtuar dhe punuar në destinacione të ndryshme anembanë botës.
Për të ndarë këtë përvojë dhe për të ndihmuar të tjerët të bëhen pjesë e kësaj fushe, Redona themeloi këtë platformë, e cila synon të ofrojë udhëzim, trajnim dhe mbështetje për profesionistët e rinj shqiptarë që duan të ndërtojnë një karrierë në industrinë ndërkombëtare të jahteve.